Skip to main content

Posts

Showing posts with the label buddha

sawsan ရုပ်နဲ့နာမ်

လူတွေဟာဘာကြောင့် စိတ်ပိုင်းဆိုင်ရာထက် ရုပ်ပိုင်းဆိုင်ရာကို ပိုဂရုစိုက်ကြလည်းမသိဘူး။ လူတစ်ယောက်ဟာ ခေါင်းမလျော် ရေမချိုး လေ့ကျင့်ခန်းမလုပ် လက်သည်းခြေသည်းမညှပ် သွားမတိုက် ဆံပင်မညှပ် အဝတ်မဝတ်ဘဲနေရင် ဘယ်လိုပုံပေါက်သွားနိုင်မလဲ။ လူတယောက်ဟာ ရုပ်ပိုင်းဆိုင်ရာ ပစ်စလက်ခတ်နေရင် အကြည့်ရဆိုးနိုင်သလို စိတ်ပိုင်းဆိုင်ရာမှာ ထိမ်းထိမ်းသိမ်းသိမ်းမရှိရင်လည်း အကြည့်ရဆိုးတာပါဘဲ။  နာရီနဲ့ချီပြီး အချိန်ကုန်ခံ သိန်းနဲ့ချီသုံး ပြီး skin care, plastic surgery တွေလုပ်ကြပေမဲ့ ကိုယ့်ရဲ့စိတ်ထားပိုပြီး မွန်မြတ်လှပလာအောင် အချိန်ကုန်ငွေကုန် ဘယ်လောက်ခံသလဲ ဆိုတာကမေးခွန်းထုတ်စရာဖြစ်တယ်။ ရုပ်ပိုင်းဆိုင်ရာကြံ့ခိုင်အောင် Gym တွေသွား အားကစားတွေလုပ်ကြပေမဲ့ စိတ်ပိုင်းဆိုင်ရာကြံ့ခိုင်အောင် ဘယ်လောက် လေ့ကျင့်အားထုတ်လည်းဆိုတာက လည်း မေးခွန်းထုတ်စရာဖြစ်တယ်။   LV, Gucci တွေဝတ်ပြီး ရုပ်ကိုအဆင်တန်ဆာတွေဆင်ပေမဲ့ စိတ်အတွက်ဘာတွေ အဆင်အပြင်လုပ်ပေးကြလည်း ဆိုတာကလည်း မေးခွန်းထုတ်စရာဖြစ်ပါတယ်။ စိတ်ဟာလည်း ရုပ်လိုဘဲ နေ့တိုင်းသန့်ရှင်းပေးဖို့လိုတယ်။ လှပလာအောင်ပြုပြင်ပေးဖို့လိုတယ်။ သန်စွမ်းလာအောင်လေ့ကျင့်ပေးဖို့လိုတယ်။  ဘာမှလုပ်မပေးဘဲနဲ့တော့ လူတစ်

sawsan ကံအပြား (၁၆) ပါး

ကံသည် ကိစ္စအစွမ်းအားဖြင့် (၄) မျိုး   ၁။ ဇနကကံ - ပဋိသန္ဓေအကျိုးကို ဖြစ်စေတတ်သော ကံ။  ၂။ ဥပတ္ထမ္ဘကကံ - ဇနက ကံ အကျိုးပေးရာ၌ အဖော် အထောက်အပံ့ဖြစ်သောကံ။  ၃။ ဥပပီဠကကံ - ပဋိသန္ဓေအကျိုးကို အနှောင့်အယှက် ပေးသော ကံ။  ၄။ ဥပဃာတကကံ - ပဋိသန္ဓေအကျိုးကို သတ်တတ်သော ကံ။  ကံသည် အကျိုးပေးအကြိမ်အလှည့်အားဖြင့် (၄) မျိုး   ၁။ ဂရုကံ - အခြား ကံများမှ ဖယ်ရှားခြင်းငှာ မတတ်နိုင်သော အင်အားကြီးမား လေးလံသော ကံ။  ၂။ အာသန္နကံ - သေခါနီးအခါမှ အမှန်ရ၍ ပြုလုပ်သော ကံ။  ၃။ အာစိဏ္ဏကံ - ရှည်မြင့်စွာသော ကာလပတ်လုံး အမြဲတစေပြုခဲ့သောကံ။  ၄။ ကဋတ္တာကံ - ရှေးရှေးသော ဘဝပေါင်းများစွာက ပြုခဲ့သောကံ။  ကံသည် အကျိုးပေးရာကာလအားဖြင့် (၄) မျိုး   ၁။ ဒိဋ္ဌဓမ္မဝေဒနီယကံ - ယခုမျက်မှောက်မှာပင် အကျိုးပေးသောကံ။  ၂။ ဥပပဇ္ဇဝေဒနီယကံ - ဒုတိယ အရွယ်၌ အကျိုးပေးသော ကံ။  ၃။ အပရာပရိယဝေဒနီယကံ - တတိယ အရွယ်၌ အကျိုးပေးတတ်၏၊ ၎င်းအချိန် အကျိုးမပေးပါက ရှေးဖြစ်မည့် ဘဝတစ်ခုခု၌ အကျိုးပေးတတ်၏။  ၄။ အဟောသိကံ - ကံပင်ဖြစ်လင့်ကစား အကျိုးမပေးသောကံ။  ကံသည် အကျိုးပေးရာ အရပ်ဒေသအားဖြင့် (၄) မျိုး   ၁။ အကုသိုလ်ကံ - အပါယ်လေးပါး၌ ပဋိသန္ဓေတည်နေသောကံ။  ၂။ ကာမာဝစရကုသိုလ်ကံ - ကာမသု

sawsan အကုသိုလ်စေတသိက် (၁၄) ပါး

အကုသိုလ်စိတ်များဖြင့်သာ ယှဉ်၍ ဖြစ်သော စေတသိက်များ ဟူ၏။  ၁။ လောဘ - ဆာလောင်မွတ်သိပ် တွယ်တာ သာယာခင်မင်ခြင်း လက္ခဏာ၊  ၂။ ဒေါသ - ကြမ်းတမ်း ပြစ်မှား နှိပ်စက် ဖျက်ဆီးခြင်း လက္ခဏာ၊  ၃။ မောဟ - အမှန်တရားကို မသိခြင်း၊  ၄။ အဟိရိက - မကောင်းမှု ပြုရမှာ မရှက်ခြင်း၊  ၅။ အနောတ္တပ္ပ - မကောင်းမှု ပြုရမှာ မကြောက်မလန့်ခြင်း၊  ၆။ ဥဒ္ဓစ္စ - ပျံ့လွင့်တုန်လှုပ်ခြင်း၊  ၇။ မာန - ငါကွ ဟု ထောင်လွှားခြင်း၊  ၈။ ဒိဋ္ဌိ - အမှားကို အမှန်ဟု စွဲယူထားခြင်း၊  ၉။ ဣဿာ - သူတစ်ပါးအား မလိုတမာ ငြူစူလာခြင်း၊ ၁၀။ မစ္ဆရိယ - မိမိစည်းစိမ်ကို နှမြောဝန်တို မဆက်ဆံလိုလျက် ဖုံးဝှက်ကာထားခြင်း၊  ၁၁။ ကုက္ကုစ္စ - ပြုပြီးသား အကုသိုလ်၊ မပြုလိုက်ရသော ကုသိုလ်တို့အတွက် နောင်မှတကာ ပူပန်လာခြင်း၊  ၁၂။ ထိန - ကုသိုလ်ပြုရာ၌ စိတ်ဓာတ်လျော့ပါး နည်းပါးခြင်း၊  ၁၃။ မိဒ္ဓ - ထိနကြောင့် ထိုင်းမှိုင်းငိုက်မျဉ်း၍ လာခြင်း၊ ၁၄။ ဝိစိကိစ္ဆာ - ကောင်းမှုကုသိုလ်တရား၌ ယုံရမှာလား၊ မယုံရမှာလားဟု သို့လောသို့လော တွေးတောယုံမှားခြင်း လက္ခဏာရှိ၏။ martikar.pikay.org မှ ကူးယူမျှဝေပါသည်။

sawsan သုစရိုက် ၁၀-ပါး

ကာယ သုစရိုက် (၃)ပါး ၁။ ပါဏာတိပါတ ဝိရတီ - သတ္တဝါ အသက်ကိုသတ်ခြင်းမှ ရှောင်ကြဉ်ခြင်း။ ၂။ အဒိန္နာဒါန ဝိရတီ - သူတစ်ပါးပစ္စည်းကို မတရားယူခြင်းမှ ရှောင်ကြဉ်ခြင်း။ ၃။ ကာမေသုမိစ္ဆာစာရဝိရတီ - ကာမဂုဏ်တို့၌ မှားယွင်းစွာကျင့်ခြင်းမှ ရှောင်ကြဉ်ခြင်း။ ဝစီ သုစရိုက် (၄)ပါး ၁။ မုသာဝါဒဝိရတီ - မှန်သောစကားကို ပြောဆိုခြင်း။ ၂။ ပိသူဏဝါစာ ဝိရတီ - ညီညွတ်စေလိုသောစိတ်ဖြင့် ပြောဆိုခြင်း။ ၃။ ဖရုသဝါစာ ဝိရတီ - နူးညံ့ချိုသာသော စကားကိုပြောဆိုခြင်း။ ၄။ သမ္ဖပ္ပလာပဝိရတီ - အကျိုးရှိသော စကားကိုပြောဆိုခြင်း။ မနော သုစရိုက် (၃)ပါး ၁။ မနဘိဇ္ဓျာ - သူတပါးချမ်းသာမှုကို လိုလားခြင်း။ ၂။ အဗျာပါဒ - သူတစ်ပါးကို ဖျက်ဆီးလိုစိတ် မရှိခြင်း။ ၃။ သမ္မာဒိဋ္ဌိ - အယူဖြောင့်မှန်ခြင်း။ (အင်္ဂုတ္ထိုရ် - မာတုဂါမသုတ်)မြတ်စွာဘုရား 🙏🙏🙏 ကိုးကားစာ - Dhamma Facebook page နှင့် http://martikar.pikay.org/ မှကူးယူဖော်ပြထားပါသည်။

sawsan စူဠသောတာပန်ဖြစ်နိုင်သူများ

လူတို့အား ဟိတ်အရ ပုဂ္ဂိုလ်သုံးမျိုးခွဲထား ပါသည်။  ၁။ သုဂတိအဟိတ်ပုဂ္ဂိုလ်  ၂။ ဒွိဟိတ်ပုဂ္ဂိုလ်  ၃။ တိဟိတ်ပုဂ္ဂိုလ်တို့ဖြစ်သည်။  ပဋိသန္ဓေနေစဉ်ကတည်းက ကျိုးကန်းဆွံ့အ နား မကြား ထုံထိုင်း လူစဉ်မမီဖြစ်ပြီး မွေးလာသောသူ ကို သုဂတိအဟိတ်ပုဂ္ဂိုလ်ဟု ဆိုပါသည်။  ခြေလက်အင်္ဂါမချို့ယွင်းသော်လည်း ဉာဏ်ပညာ နည်းသောသူမျိုးကို ဒွိဟိတ်ပုဂ္ဂိုလ်ဟုဆိုပါသည်။ တိဟိတ်ပုဂ္ဂိုလ်ကား ဉာဏ်ပညာ ထက်မြက်သော ပုဂ္ဂိုလ်ဖြစ်ပါသည်။ ထိုပုဂ္ဂိုလ်သုံးမျိုးအနက် စူဠသောတာပန်အဆင့်ကို သုဂတိအဟိတ်ပုဂ္ဂိုလ်မရနိုင်ပေ။ ဒွိဟိတ်နှင့်တိဟိတ် ပုဂ္ဂိုလ်နှစ်မျိုးရနိုင်ပါသည်။ သို့ကြောင့် ယေဘုယျသဘောအားဖြင့် မွေးရာပါ ဆွိ့ အ နားမကြား ထုံ ထိုင်း ကျိုးကန်း လူစဉ်မမီ သူများမှတစ်ပါး မည်သူမဆို အားထုတ်လျှင် စူဠသောတာပန်ဖြစ်နိုင်ပါသည်။ ရုပ်နာမ်ကို အကြောင်းနှင့်တကွ သိရာ၌ စာသိ သုတသိမျှဖြင့် စူဠသောတာပန်မဖြစ်နိုင်ပါ။  နာမရှုပ ပရိစ္ဆေဒဉာဏ်ဟူသော ရုပ်နာမ်ကို ပိုင်းခြားသိမြင်ခြင်း ပစ္စယ ပရိဂ္ဂဟဉာဏ်ဟူ သော ရုပ်နာမ်၏ ဖြစ်ခြင်းအကြောင်းကိုသိမြင် ခြင်းဟူသော ဉာဏ်စဉ်နှစ်ဆင့်ရအောင် ကျင့် ကြံပွားများ အားထုတ်ရပါသည်။ ထို့ကြောင့် စူဠသောတာပန်သည် သုတသိ၊ အကျင့်သိနှစ်မျိုးပေါင်းဟု ဆို

sawsan အမျိုးသားတို့ တိုးတက်စေကြောင်းတရား (၄)ပါး (or) သမ္ပဒါတရား (၄)ပါး

မြတ်စွာဘုရားဟောကြားတော်မူသော လောကီတိုးတက်အောင်မြင်နည်း.. ၁။ ဉာဏ်ပါတဲ့ လုံလဝီရိယနှင့် ကြိုးစားအားထုတ်သူဖြစ်ရမယ်။ ၂။ ရရှိပြီးသော စည်းစိမ်ချမ်းသာကို ဆင်ခြင်ဉာဏ်ကင်း၍ အကျိုးမရှိသောနေရာ၌ သုံးဖြုန်းမိခြင်းမရှိအောင် ထိန်းသိမ်းစောင့်ရှောက်နိုင်သူဖြစ်ရမယ်။ ၃။ မိမိလုပ်နိုင်အားနှင့် ချိန်ဆပြီး မျှတမှန်ကန်စွာ အသက်မွေးမြူခြင်း ရှိသူဖြစ်ရမယ်။ ၄။ မိတ်ဆွေကောင်းနှင့် ပေါင်းသင်းသူ ဖြစ်ရမယ်။ တစ်ခုခြင်းကို အကျယ်အဓိပ္ပါယ်ဖွင့်ရရင် .. ၁။ ဉာဏ်ပါတဲ့ လုံလဝီရိယနှင့် ကြိုးစားအားထုတ်သူဖြစ်ရမယ်ဆိုတာ . . . >> တတ်သိနားလည် ကျွမ်းကျင်အောင် လေ့လာ၊ သေချာပိုင်နိုင်အောင်လုပ်နိုင်သလားဆိုတာ စဉ်းစား၊ ပိုင်ရင် လုပ်ဖို့ ဆုံးဖြတ်၊ အကွက်ကောင်း၊ အချိန်ကောင်းနေရာကောင်းကို သိအောင်လုပ်၊ တကယ်လိုအပ်မဲ့ ပစ္စည်းကရိယာပြည့်စုံရမယ်၊ လုပ်သင့်တာကို လုပ်ဖို့ အရေးကြီးသလို မလုပ်သင့်တာကို မလုပ်ဖို့လည်း အရေးကြီးတယ်။