လူတစ်ယောက်အနေနဲ့ နှမြောစရာ အကောင်းဆုံးဟာ ဘာလဲဆိုတော့ သူ့အသိဉာဏ် အဆင့်မြင်သင့်သလောက် မမြင့်လာတာ။ အဲဒါ သိပ်နှမြောဖို့ ကောင်းတာပဲ။ သူ့ရဲ့ အရည်အချင်းတွေ၊ လုပ်ရည်ကိုင်ရည်တွေ မြင့်သင့်သလောက် မမြင့်လာတာဟာ သိပ်နှမြောဖို့ ကောင်းတယ်။ တချို့နေရာမှာကျတော့ သိတဲ့ အသိအပိုင်းဟာ မြင့်လာပြီ။ ဒါပေမဲ့ အဲဒါကို သုံးရမည့် နေရာကျတော့ သုံးလို့ မရတာတို့ ၊ သုံးခွင့်မရတဲ့ အခြေအနေမျိုးတို့ ကြုံရတာတွေ ရှိတယ်။ တစ်ခါတစ်လေ ကိုယ့်ဟာကိုယ် သိပြီးတော့ ကိုယ့်ဟာကိုယ် တွေးပြီး ပြောလို့ မရတာတွေရှိတယ်။ အခြေအနေအရ မပြောသင့်ဘူး ဆိုပြီးတော့ ချန်ထားတာတွေလည်း ရှိတာပေါ့။ အဲဒါစိတ်ထဲမှာ အတော်ခံစားရတာပဲ။ တစ်ချို့ သူတို့ ပညာအရည်အချင်း အဆင့်မြင့်မြင့်တွေ သင်ခဲ့ရတယ်။ တချို့ဆို ဒေါက်တာဘွဲ့၊ ဆရာဝန်ဘွဲ့တွေ ရခဲ့ပြီး တစ်ချို့ အင်ဂျင်နီယာဘွဲ့တွေ ရပြီးတော့ အလုပ်တွေ လုပ်ပြီးတော့ အလုပ်ထဲမှာ အတွေ့အကြုံ ၁ဝ နှစ်၊ ၁၅ နှစ်လောက် အတွေ့အကြုံရှိထားပြီးပြီ။ အရည်အချင်းတော်တော် အဆင့်မြင့်နေတယ်နော်။ ဒါပေမဲ့ အခြေအနေ တစ်ခုခုကြောင့် သူတို့ အရည်အချင်းကို သုံးခွင့်မရတော့ဘူး။ အရည်အချင်းနဲ့ မကိုက်တာတွေ သူတို့ အရည်အချင်းကို မသုံးရတဲ့ အလုပ်မျိုးတွေကို လုပ်နေရတယ်။ အဲ့ဒါ
Posts
> ငါဟာ ကိုယ့်အားကိုယ်ကိုးနိုင်တဲ့သူ တစ်ယောက်ဖြစ်ရမယ်။ ဒါဟာ ငါ့ဘဝမှာ အရေးအကြီးဆုံး အခြေခံအကျဆုံး ဆုံးဖြတ်ချက်ဖြစ်တယ်။ > ငါလိုချင်တဲ့ ပညာကို ကိုယ့်အားကိုယ်ကိုးပြီး ရှာနိုင်ရမယ်။ မြင့်မြတ်တဲ့အမှန်တရားကို သိနိုင်တဲ့သူ ဖြစ်ရမယ်။ > ငါလိုချင်တဲ့ ဝင်ငွေကို ကောင်းတဲ့နည်းနဲ့ လုံလောက်အောင် ရှာနိုင်တဲ့သူ ဖြစ်ရမယ်။ > ငါလုပ်တဲ့ အလုပ်ဟာ လူ့အသိုင်းအဝိုင်းကို အကျိုးပြုတဲ့ အလုပ်ဖြစ်ရမယ်။ ငါ့အသိုင်းအဝိုင်းထဲမှာ ငါယူသင့်တဲ့တာဝန်ကို ယူတဲ့သူ ဖြစ်ရမယ်။ > ငါ့ကိုယ်ကိုငါ လေးစားတဲ့သူ ဖြစ်ရမယ်။ ငါ့ရဲ့ ကိုယ်ကျင့်သိက္ခာကို လူအများ လေးစားနိုင်ရမယ်။ ငါ့ရဲ့ ရိုးသားမှု ဖြောင့်မတ်မှုကို အစစ်ဆေး ခံနိုင်တဲ့သူ ဖြစ်ရမယ်။ အဲဒီလို ရည်ရွယ်ချက်ကို ပြတ်ပြတ်သားသားထားနိုင်ရင် ဘယ်သူမဆို အောက်တန်းကျတဲ့သူ မဖြစ်တော့ဘူး။ ဂုဏ်သိက္ခာရှိတဲ့သူပဲ ဖြစ်မယ်။ ဘဝကို တကယ် အသက်ဝင်စေတာ ကိုယ် အင်မတန် ဖြစ်ချင်တဲ့ ကောင်းတဲ့ ရည်ရွယ်ချက် ဦးတည်ချက်ပဲ။ ဦးတည်ချက်တစ်ခု ရှိရမယ်။ ဒါလုပ်ဖို့ ငါအသက်ရှင်နေရတာလို့ ပြောနိုင်ရမယ်နော်။ ဟောဒီကိစ္စကို အကောင်အထည် ဖေါ်နိုင်ဖို့၊
လွတ်လပ်မှုဆိုတဲ့ စကားလုံးဟာ အဓိပ္ပါယ်တွေ အတော်တော်များတယ်။ ပညာရှင်တော်တော်များများ ကိုယ့်အမြင်နဲ့ ကိုယ် အဓိပ္ပါယ် ဖွင့်ဆိုကြတယ်။ လွတ်လပ်မှုရဲ့ အဓိပ္ပါယ်အမျိုးမျိုး သဘာဝအမျိုးအမျိုးကို စိတ်ဝင်စားပါတယ်။ လွတ်လပ်မှုဆိုတာ ကိုယ့်ဘဝကို ကိုယ့်နည်းကိုယ့်ဟန်နဲ့ အကောင်းဆုံးဖြစ်အောင်နေဖို့ ကိုယ်ယူရမယ့် တာန်ဝန်ကို ခေါ်တာတဲ့။ ဒီစကားအရ လွတ်လပ်မှုဆိုတာ တာဝန်လို့ အဓိပ္ပါယ်ရတယ်နော်။ ဘယ်လိုတာဝန်လဲ။ ကိုယ့်ဘဝကို ကိုယ်နည်းကိုယ့်ဟန်နဲ့ အကောင်းဆုံးဖြစ်အောင် နေရမယ့်တာဝန်။ ကိုယ့်နည်း ကိုယ့်ဟန်လည်း ဖြစ်ရမယ်။ အကောင်းဆုံးလည်း ဖြစ်ရအုံးမယ်။ အဲဒါ နည်းတဲ့တာဝန် မဟုတ်ဘူး။ ဘယ်လို ဘဝမျိုးကို နေချင်သလဲဆိုတာကို သိတဲ့သူ တော်တော်နည်းပါတယ်။ ငယ်ငယ်ကတည်းက အပြစ်မရှိတဲ့ ကိစ္စတွေမှာ လွတ်လွတ်လပ်လပ်လုပ်တက်တဲ့ အလေ့အကျင့် အခွင့်အရေးကို ရခဲ့တဲ့သူမှသာ ကြီးလာတဲ့အခါ ကိုယ်ဘယ်လိုဘဝမျိုးကို နေချင်တယ်ဆိုတာ သိနိုင်မယ်။ ငယ်ငယ်ကတည်းက ကိုယ့်စိတ်ကူးနဲ့ကိုယ် ကောင်းတာတွေကို လုပ်ခွင့်မရခဲ့ရင် ကိုယ်ဘယ်လို ဘဝမျိုးကို နေချင်တယ်ဆိုတာ မသိနိုင်တော့ဘူး။ " ဒီနေ့ တစ်နေ့တာလုံး ငါဘာလုပ်မယ်ဆိုတာကို သေသေချာချာ စဉ်းစားတဲ့အကျင့် မရှိတဲ့သူဟာ ကိုယ့်ဘဝကို ကိုယ်ဘယ
ကိုယ့်ရဲ့ အသိဉာဏ်ကို နေရာတိုင်းမှာ သုံးပါ။ ကိစ္စတိုင်း ကိစ္စတိုင်းမှာ ထောင့်စေ့အောင်စဉ်းစားပါ။ ကောင်းကောင်းလေ့ကျင့်ပြုစုထားတဲ့ အသိဉာဏ်နဲ့နေသွားမှ လောကကြီးမှာ နေရတာ အဆင်ပြေမယ်၊ ကိုယ့်ဘဝ အခြေအနေကို အကောင်းဆုံးဖြစ်အောင် ဖန်တီးနိုင်မယ်။ အသိဉာဏ်ကို ဖွံ့ဖြိုးအောင် ပြုစုမထားတဲ့ သူတွေဟာ မကြောက်သင့်တာတွေကို ကြောက်နေတယ်။ အားမကိုးသင့်တာကို အားကိုးကြတယ်။ ဗေဒင်ကိုအားကိုးတယ်။ နတ်ကို အားကိုးတယ်။ ဘိုးတော်တွေ မယ်တော်တွေကို အားကိုးတယ်။ ကိုယ့်ဘဝကို သူများလက်ထဲကို ထည့်လိုက်တယ်။ ဗေဒင်က ကြောက်အောင်ပြောရင် ကြောက်တယ်။ ဗေဒင်ဆရာက ခိုင်းတာကို လုပ်တယ်။ ဂြိုလ်တွေဟာ ကမ္ဘာမြေကြီးလိုပါပဲ၊ နေကို ဗဟိုရ်ပြုပြီးတော့ လှည့်သွားနေကြတယ်။ သူတို့က လူတစ်ယောက်ချင်းရဲ့ ဘဝကို ဘယ်လိုမှ ကောင်းအောင်ဆိုးအောင်မလုပ်နိုင်ပါဘူး။ နက္ခတ်ဆိုတာက အလင်းနှစ်ပေါင်း သန်းနဲ့ချီပြီးဝေးပါတယ်။ အဝေးမှာရှိတဲ့ ကြယ်တွေကို ကိုယ့်နေရာကနေ ကြည့်ပြီးတော့ ကိုယ်ဖေါ်ချင်တဲ့ပုံကို ဖေါ်ပြီး စိတ်ကူးယဉ်အဓိပ္ပါယ်တွေ ကောက်ကြတယ်။ အလင်းနှစ်ပေါင်း သန်းနဲ့ချီပြီးဝေးတဲ့ ကြယ်တစ်လုံးက ဒီကမ္ဘာမှာရှိတဲ့ လူတစ်ယောက်ရဲ့ဘဝကို ကောင်းအောင်ဆိုးအောင် လုပ်နိုင်သလား။ ဒါကို ယုံတယ်ဆိုရင်တေ
အချို့လူတွေကျတော့လည်း သူတို့ရဲ့ စိတ်ထဲမှာ လုံခြုံမှုမရှိတာကြောင့် အနိုင်ရမှ ကြိုက်တယ်၊ အနိုင်ရနေမှ နေသာထိုင်သာရှိတယ်၊ အဲ့ဒါကြောင့် ရောက်လေရာမှာ တွေ့ရာလူကို အနိုင်ယူဖို့ပဲကြိုးစားတယ်၊ ဒါကြောင့် ရောက်လေရာမှာ တွေ့ရာလူကို အနိုင်ယူဖို့ပဲ ကြိုးစားတယ်၊ ဒါကြောင့် ရောက်လေရာမှာ ပြဿနာဖြစ်အောင်လုပ်တက်တယ်။ အဲဒီလိုလူဟာ သူများကို အထက်စီးကနေပြောရမှ ဆက်ဆံရမှ သူ့ကိုယ်သူ သိပ်ဟုတ်တယ်လို့ ထင်တယ်။ အမှန်တော့ သူဟာ 'င့ါကို လူတွေ အထင်မကြီးဘူး' လို့ ကျိတ်ပြီးတော့ တွေးနေတတ်တယ်။ ဒါကြောင့် ကိုယ့်ကို သူများတွေ ကြောက်တာကိုလိုချင်တယ်။ လူတိုင်းကို နိုင်ရမှ ကျေနပ်တယ်။ ပြဿနာတစ်ခု ကြုံလာရင် သူကပဲ အနိုင်ရမှ။ သဘောထား အယူအဆ မတူတာတွေ့ရင် သူ့အယူအဆကို မှားမှားမှန်မှန် ခေါင်းညိတ်မှ ကြိုက်တယ်။ သူဟာလူလူချင်း ဆက်ဆံရေးအားလုံးကို လွှမ်းမိုးမှု ချုပ်ကိုင်မှုအနေနဲ့ပဲ မြင်တော့တယ်။ ဒါပေမဲ့ ရေရှည်မှာ လူတွေအပေါ် ရန်လိုမုန်းထားတဲ့ စိတ်ရှိပြီး ပြဿနာဖြစ်တိုင်း သူကချည်းပဲ အနိုင်ရချင်နေလို့ ဖြစ်တဲ့နည်းနဲ့ အနိုင်ယူတဲ့လူဟာ ဆက်ဆံရေး အဆင်မပြေဘူး။ သူ့ကို လူတွေက ရှောင်လိမ့်မယ်။ သူ့အနားမှာနေတဲ့ လူတွေကလည်း သူပြောသမျှ ခေါင်းညိတ်တဲ့သူတွေဖြစ်နေလိမ
လောကကြီးက ကိုယ့်စိတ်တိုင်းကျ ဖန်တီးထားပြီး ကိုယ့်အလာကို စောင့်မျှော်ကြိုဆိုနေတာမှ မဟုတ်တာ၊ သူ့ဟာ သူဖြစ်ချင်သလို ဖြစ်နေတဲ့ လောကကြီး။ ဒီလောကကြီးထဲမှာ ကိုယ်ကမွေးဖွားလာတာ၊ ဒါကို နားလည်ပြီး adapt လုပ်ပြီး၊ ညှိနှိုင်းပြီး နေသွားရမှာ။ ကိုယ့်ပတ်ဝန်းကျင် အသိုင်းအဝိုင်းကို ပိုပြီး ကောင်းလာအောင်တက်နိုင်သလောက် ပြုပြင်ဖို့တော့ လိုပါတယ်။ စိတ်နေသဘောထား ကောင်းတဲ့သူတွေ၊ သတိနဲ့ နေတက်တဲ့ သူတွေ၊ ချင့်ချိန်နိုင်တဲ့ သူတွေ၊ စည်းကမ်းရှိတဲ့သူတွေ ပိုပြီး များလာအောင် ကူညီရမယ်။ အလုပ်အကိုင်နဲ့ ပက်သက်ပြီးတော့ တွေ့ရတဲ့အခက်အခဲတွေကို ဖြေရှင်းနိုင်အောင် စနစ်တကျ သင်ကြားလေ့လာထားဖို့ လိုအပ်သလို၊ ဆက်ဆံရေးနဲ့ ပတ်သက်ပြီးတော့ တွေ့ရတဲ့ အခက်အခဲတွေကို အကောင်းဆုံးနည်းနဲ့ ဖြေရှင်းနိုင်အောင် စနစ်တကျသင်ကြားလေ့လာထားဖို့ လိုအပ်ပါတယ်။ နေစဉ် ကြုံတွေ့နေရတဲ့ အတွေ့အကြုံတွေ၊ နေ့စဉ်ကိုယ်ရဲ့ စဉ်းစားပုံ၊ တွေးခေါ်ပုံ၊ သဘောထားတွေ၊ နေ့စဉ် ပြောပုံဆိုပုံ လုပ်ပုံ ကိုင်ပုံတွေ၊ နေ့စဉ်လူတွေနဲ့ ဆက်ဆံပုံတွေက ကိုယ့်ကို "ဘယ်လိုလူ" ဆိုတာကို ပုံဖေါ်ပေးနေတယ်။ နေ့တိုင်း စိတ်ဆိုးနေ၊ စိတ်တိုနေရင် ကြမ်းတမ်းတဲ့ သူဖြစ်လာတယ်။ ဒေါသဖြစ်တာနည်းလာရင် ကိုယ်လည်း
Work is also a way of connecting with the larger world. အလုပ်ဟာ အပြင်လောကကြီးနဲ့ဆက်သွယ်ဖို့ နည်းလမ်းတစ်ခုဖြစ်တယ်။ အလုပ်လုပ်တဲ့သူရဲ့ လောကဟာကျယ်တယ်။ သူ့မှာ သိတဲ့သူ ခင်တဲ့သူ များတယ်။ လောကအကြောင်းကို သူပိုသိတယ်။ လူတွေအကြောင်းကို သူပိုသိတယ်၊ လောကဓံအမျိုးမျိုးနဲ့ အခက်အခဲ့အမျိုးမျိုးနဲ့ အမြဲတွေ့နေရလို့ အခက်အခဲကို သူမကြောက်ဘူး၊ သူ့အရည်အချင်းတွေဟာ အမြဲတိုးနေတယ်။ သူဟာ ကိုယ့်ကိုယ်ကို ယုံကြည်မှု ပိုရှိတယ်။ အလုပ်မလုပ်တဲ့သူရဲ့ လောကစာ ကျဉ်းမြေင်းတယ်။ သူ့မှာ သိတဲ့သူ ခင်တဲ့သူနဲတယ်။ သူဟာ လူတွေအကြောင်းကို သိပ်မသိဘူး။ အခက်အခဲတွေကို ရင်ဆိုင်ရတာနဲလို့ သူဟာ အခက်အခဲကို ရင်ဆိုင်ရမှာ ကြောက်တက်တယ်၊ သူ့အရည်အချင်းတွေဟာ ထွက်မလာနိုင်ဘူး။ အလုပ်လုပ်ရင် ပင်ပန်းတယ်ဆိုတော့ အလုပ်မလုပ်ဘဲနေရင် ကောင်းသလား၊ မကောင်းဘူးနော်၊ တချို့လူတွေဟာ မိဘကလည်း ကျေွးထားနိုင်တော့ အလုပ်မလုပ်ဘဲနဲ့ နေတာတွေရှိတယ်နော်။ သူတို့နဲ့ ကျောင်းနေဖတ် အတူတူတွေ တချို့က အလုပ်ထဲရောက်သွားပြီ၊ လေး,ငါး,ဆယ်နှစ်လောက် အလုပ်လုပ်နေပြီ။ အလုပ်မလုပ်ဘဲ နေတဲ့လူနဲ့ အလုပ်လုပ်တဲ့သူ ပြောပုံဆိုပုံ၊ နေပုံ၊ ထိုင်ပုံ ကြည့်တဲ့အခါမှာ အလုပ်မလုပ်ဘဲနေတဲ့သူက မရင့်ကျက်တာကို တွေ့ရတယ်နော်။
Other people can be a big source of stress in our life. သူတစ်ပါးဟာ ကိုယ့်ဘဝမှာ စိတ်ပင်ပန်းမှု ဖြစ်စေနိုင်တဲ့ကြီးမားတဲ့ အကြောင်းအရင်းဖြစ်နိုင်တယ်။ ဖြစ်နိုင်တယ်ဆိုတာထက် ဖြစ်နေတယ်ဆိုတာက ပိုမှန်တယ်။ သတိထား ကြည့်စမ်းပါ။ ကိုယ့်ဘဝမှာ ပြောရေးဆိုရေး။ ဆက်ဆံရေး အဆင်မပြေလို့ ဘယ်လောက် စိတ်ပင်ပန်းနေရတယ်တာ...။ အားလုံးပဲ ကြုံဖူးကြမှာပါ။ ကိုယ့်ဘဝကို သူတစ်ပါးက လွှမ်းမိုးခြယ်လှယ်နေတယ်လို့ ခံစားဖူးကြမှာပါ။ ကိုယ့်ကို အတင်းအကြပ် သူတို့သဘောအတိုင်း လုပ်ခိုင်းတာတွေ ကြုံဖူးကြပါတယ်။ သူတို့ကိစ္စတွေလုပ်ပေးဖို့ ကိုယ့်အချိန်တွေကို မရမကတောင်းဆိုကြတယ်။ ပြောရဆိုရ ဆက်ဆံရတာ သိပ်ခက်ခဲတယ်။ ရန်လိုတယ်။ ကိုယ်က မျှော်လင့်ထားသလို လုပ်မပေးဘူး။ ကိုယ့်ကို အလေးမထားဘူး၊ ဂရုမစိုက်ဘူး၊ ကိုယ့်ရဲ့ခံစားချက်ကိုလည်း အလေးမထားဘူး၊ ဂရုမစိုက်ဘူး။ တစ်ဖတ်သတ်အနိုင်ကျင့်ပြီး ဆက်ဆံနေတာတွေ တွေ့ကြုံဖူးမှာပဲ။ ဒါမျိုးက ဆက်ဆံရေးတိုင်းမှာ တွေ့ရတက်ပါတယ်။ တော်တော်များများ တွေ့ရတယ်။ တဖတ်သားရဲ့ ဆန္ဒ၊ တဖတ်သားရဲ့ ခံစားချက်ကို လုံးဝ အသိအမှတ်မပြုဘူး။ တန်ဘိုးမထားဘူး။ ငါပြောသလိုလုပ်၊ ငါသိတယ်၊ မင်းတို့ ဘာမှပြောစရာ မလိုဘူးဆိုပြီး ရာနှုန်းပြည့် control လုပ်ထားကြတယ်။
၁။ ဘုရား = သစ္စာ(၄)ပါးမြတ်တရားကို ကိုယ်ပိုင်ဉာဏ်ဖြင့် ကိုယ်တိုင်သိ၍ သူတစ်ပါးကိုလည်း သိအောင်ဟောပြောနိုင်သူ ၂။ တရား = သိသင့်သိထိုက်သော သဘာဝအကြောင်းအကျိုးအမှန်တရား ၃။ သံဃာ = စောင့်ထိန်းအပ်သော သက္ခာကို စောင့်ထိမ်း၍ ဘုရားအဆုံးအမများကိုပြန်လည် ဟောပြောသူ။ ဒါန၊ ကုသိုလ်ကောင်းမှုများ ဆောင်ရွက်နိုင်သောနေရာ ၄။ မိဘ = မှန်ကန်သောဦးတည်ချက်ဖြင့် ကိုယ့်လမ်းကို လျောက်နိုင်အောင် လမ်းညွှန်ပြသ ဖေးမကူညီပေးခဲ့သူ ၅။ ဆရာ = ဘဝမှာကြုံတွေ့ရမည့် အခက်အခဲတွေကို ပိုင်ပိုင်နိုင်နိုင်ဖြေရှင်းနိုင်အောင် အတန်းပညာ၊ အတက်ပညာ၊ အသိပညာ၊ ဗဟုသုတများကို မျှဝေသင်ကြားပေးခဲ့သူ ၆။ ဉာဏ် = အကောင်းအဆိုး၊ အကြောင်းအကျိုး၊ အမှားအမှန်ကို ပိုင်းခြားသိတာ (ဆရာတော်ဥုံးသုမင်္ဂလအမြင်ကို လက်ခံထားခြင်းဖြစ်ပါသည်) ၇။ သီလ = ကိုယ်၊ နှုတ်၊ စိတ်ကို စောင့်ထိမ်းခြင်း ၈။ သမာဓိ = တည်ကြည်ခြင်း ၉။ ပညာ = ဘဝမှာ ကြုံတွေရမည့် အခက်အခဲတွေကို ပိုင်ပိုင်နိုင်နိုင် ဖြေရှင်းနိုင်ပြီး အကောင်းအဆိုး၊ အကြောင်းအကျိုး၊ အမှားအမှန်ကို ပိုင်းခြားသိစေရန် အထောက်အပံ့ဖြစ်သောအရာ ၁၀။ ဒိဋ္ဌိ = အယူမှားခြင်း (ဘုရားမပွင်မီက) ၁၁။ ဒိဋ္ဌိ = အမြင် (ဘုရားပွင်းပြီးကာလ) ၁၂။ ကုသိုလ် = လောဘ၊ ဒေါသ၊